miércoles, 31 de diciembre de 2014

A lxs compañerxs: Acaba'l 2014 y equí siguimos

Esti añu que termina güei llevase muncho de toxs nosotrxs, y dexamos un sabor agridulce. Esti añu que termina tuvo enllenu de xenofobia, violaciones de drechos humanos, paru, precariedá, miseria, desahucios, machismu, homofobia, fascismu, esplotación llaboral, precarización de los servicios públicos, represión,...milenta razones pa la desesperación qu'ente toxs convertimos en milenta razones pa siguir saliendo a la cai. Milenta razones que convertimos en milenta motivos pa la resistencia, la llucha y la solidaridá. Nun dudamos nin un segundu. Nun reculamos nin una vez. Xuntxs tiramos p'allantre y llegamos hasta güei. Y güei equí tamos, como siempre. Y mañana ehí tamaremos, como siempre. Y siguiremos. Siguiremos lluchando, resistiendo, con rabia, con coraxe, con solidaridá, y tamién con allegría porqu'anque mos la quieran arrebatar l'allegría ye del pueblu. L'allegría de nun traicionar, l'allegría de nun arrenunciar, l'allegría de nun escaecer, l'allegría de tar ehí,  l'allegría de sabenos cola razón, l'allegría de sabemos compañerxs y de sofitanos.

Por eso compañerxs nos vemos güei, mañana y siempre, que los años pasen y la llucha sigue.
Salú y fuerza pa nel 2015 construyir la sociedá que queremos.




domingo, 14 de diciembre de 2014

III Asamblea xeneral de la CSI

Vidéu resumen añal del trabayu de la CSI: Más qu'un sindicatu, más qu'un movimientu sociu-políticu,...Una manera d'entender la llucha.

Dende Muyeres en llucha siguiremos ehí, peleando xunto a les compañeres y los compañeros, tolos díis, en cada despidu, en cada recorte de drechos, en cada desigualdá, en cada inxusticia.
¡Que viva la llucha de la clase obrera!