miércoles, 3 de mayo de 2017

COMUNICÁU DE MUYERES EN LLUCHA PAL 1 MAYU


¡L'UNU MAYU TAMIÉN YE DE LES MUYERES!

Nun vamos dexar, nin güei, 1 Mayu, nin ningún día del añu que la mayoría de la sociedá siga mirando pa otru llau ante la violencia machista ya ignorando’l machismu.

Les muyeres tamos güei equí, como tamos tolos díes del añu, lluchando polos drechos de la clase obrera en xeneral, tanto nel trabayu como fuera, y los drechos de les muyeres y persones non normatives en particular.

Porque tamos fartes de tener que lluchar escontra l'estáu, la patronal, les relixiones y los propios compañeros. Nuestra vida y nuestros cuerpos siguen sin respetase. Tolos díis miles de trabayaores, asalariaes o non, sofrimos violencia machista: en casa, en la calle, na escuela, nel trabayu, nes organizaciones,...

Tolos espacios son peligrosos si yes muyer.

Y el trabayu ye un d'esos espacios: acosos, abusos, agresiones sexuales, violaciones,...Tanto xefes, encargaos, clientes o compañeros créense con poder y drechu sobre nosotres y nuestros cuerpos.

Y pa quien nun s’haya enterao tovía porque nun-y resulte lo suficientemente importante o interesante’l tema:

LES MUYERES NUN MORREMOS, ASESINENNOS

BASTA DE QUITAR IMPORTANCIA AL FEMINICIDIU Y A TOLES VIOLENCIES QUE VIVIMOS

Y porque de lo que nun se fala nun esiste, güei tamos equí pa denunicar tola violencia escontra les muyeres y avisar qu'el mieu se mos convirtio en rabia:

Somos les llimpiadores municipales que sufren agresiones y violanciones demientres llimpien les cais.

Somos toles trabayaores dende'l metal, al chigre o a la máquina de coser, que sólo somos un culu y unes tetes pa los compañeros, encargaos o clientes.

Somos les qu'aguantamos que mos digan que tamos quitando'l trabayu a un paisanu o que meyor tabemos fregando.

Somos les supervivientes de la violencia machista.

Somos les que tenemos que pidir permisu p'abortar.

Somos les agredies y violaes de les que dicen que van provocando.

Somos les xulgaes, culpabilizaes y sentenciaes cuando denunciamos o alzamos la voz.

Somos les cuidadores, invisibles y negaes, que sostienen la vida.

Somos les compañeres en güelga y lluchando polos puestos de trabayu.

Somos les nuestres vecines deportaes ilegalmente dempués de redaes racistes.

Somos les asesinaes, porque nun morremos, nos maten.

Somos les que nun tenemos nin jubiliación porque nuestru trabayu foi negáu.

Somos les mineres que tienen d'aguantar agresiones sexuales na mina.

Somos les muyeres solidaries que siempre tan apoyando a quienes lo necesiten.

Somos les que sufren bulling.

Somos les que mos tenemos qu'hormonar y facer responsables nes relaciones, poniendo en riesgu nuestra salú.

Les campesines que lluchen pola soberanía de les tierres y los territorios.

Les que cobramos menos pol mesmu trabayu.

Les emigrantes morriendo de fame nos campamentos, nos mares y nes fronteres.

Les desempleaes y precaries que nun llegamos a fin de mes.

Somos les trataes, prostituies, y los vientres de alquiler pal enriquecimientu y deséu d'otros.

Les trabayaores doméstiques ensin drechos llaborales.

Les ensin papeles que mos ocupamos de les families de les que se puen permitir nun cuidar.

Somos a les se-yos desixen que s'acuesten colos xefes si nun quieren ser despedíes.

Somos les de la triple xornada llaboral que nun podemos nin quexanos.

Les olvidaes, que nun salimos nos llibros de testu nin nos manifiestos de la clase obrera.

Les que tenemos que demostrar cada día que somos capaces de too.

Les que tenemos qu’aguantar que nun se cuente con nosotres cuando se piensa en responsabilidaes na empresa o nes organizaciones.

Les diverses, les distintes a lo que mos imponen como normativo.

Toles muyeres que sofrimos despricios y agresiones.

Les maltrataes pfisica y psicoloxicamente, porque nun sólo duelen los golpes.

Somos les nuestres antecesores na llucha porque gracies a elles tamos equí.

Somos les perdedores pero non vencíes.

Somos les refuxaes d'ayer y güei escapando de la guerra, la represión y el fascimu nun país ensin memoria.

Somos les anticapitalistes que creyemos n'otru sistema económicu y social.

Somos les que defendemos lo público escontra les privatizaciones y los recortes sociales.

Somos les muyeres que defendieron los nuestros drechos nel movimientu obreru y nel feminista.

Y queremonos vives, llibres y combatives

Ye hora d'ente toes enfrentarnos a tola violencia contra nosotres.

¡PUXA LES LLUCHES DE LES MUYERES!

¡L'UNU DE MAYU TAMIÉN YE NUESTRU!