martes, 16 de junio de 2015

Un 2015 cargáu de movilizaciones contra la violencia machista

La verdá que dende que entamamos cola campaña Acabemos cola violencia machista n'ochobre del 2014, nun paramos. Dende Muyeres en llucha munches gracies a tola xente que lllucháis díi ente díi pa camudar esta sociedá y construyir un mundu meyor pa toles persones.

Facemos un pequeñu repasu y dalgo de memoria y asina animámonos:

-Carteles "El machismu mata. Autodefenta muyer" - colocáronse, y siguimos colocando, por toa Asturies cola ayuda de compañeres y compañeros de la CSI y d'otros coleutivos que formen parte d'Asturies en Pie . Porque poques fueron les veces que nun se saliera a pegar un cartelu y nun se llevase tamién el de la violencia machista.
-Pegadielles: "Acabemos cola violencia machista", "Ante la violencia machista, autodefensa".
-Pancartes:
      En puentes: contra la violencia machista y en solidaridá
con Noela Cotelo, que sufre violencia machista d'estao, maltratada na cárcel.
      En manifestaciones: sabemos que hai mucha
clase de violencia contra les muyeres anque alguna seya invisible por eso a les pancartes de la violencia machista, añadimos una contra'l machismu y la represión cola que mos podéis encontrar en tolos llaos: solidaries cola xente represaliao, coles muyeres discriminaes llaboralmente,....
     En valles: arrancabemos dempués de les campanes cellébrando'l fin del 2014 y l'entamu del 2015 como sabemos...reivindicando. Asina que pusimos una pancarta contra la violencia machista nuna valla de Xixón, nuna zona de munchu transitu, intentando facer visible y sensibilizar a la xente que pasara de folixa perellí. Cóstonos 1 hora na comisaria a dos compañera y un compañeru y 600 € de multa que por más que recurrimos siguen desixiendonos.
-Charra 7 de marzu: Muyeres y conflictos llaborales... porque creyemos que'l robanos la memoria y querer silencianos y que nun tengamos referencies tamién ye violencia.
-Concentración antirrepresiva: consecuencia de lo anterior y por si nun s'hubieren enterao bien que ponía na pancarta pola que mos multaron, el 5 xineru plantámonos como Asturies en pie dellantre la comisaria municipal de Xixón, qu'acabó siendo un pequeñu pasucais hasta Begoña.
-Chapes: incluyimos a los materiales d'Asturies en pie chapes feministes col llema "Asturies llibre de machismu".

-CONCENTRACIONES Y AICIONES URXENTES CADA VEZ QU'HAI UN ASESINATU MACHISTA

Dende xineru salimos a la cai siempre qu'hai un asesinatu machista, armaes de
pancartes y panfletos. Entamamos en Xixón, llueu uníose xente de la Pola Sieru y Mieres. Pocu a pocu vamos sumando voces que glayen contra esta llacra social. Na primer concentración na Plaza del Humedal vieno la policía nacional y preguntónos por qué tábemos ellí, cuando diximos que yera porque mataren a una muyer la so respuesta foi..."Ah, namá por eso...".

-Comunicaos:
Fueron munches les llinies qu'escribimos, a los medios de comunicación, tanto convencionales como alternativos, a otros sindicatos alternativos, a colectivos, y partidos de la izquierda, asociaciones, persones,...puf, que sé yo....a tola xente que se mos ocurrió. Pa que se xuntaren a la campaña y dende'l so ámbitu propiu y como pudieren entamaren a denunciar y lluchar tolos díis contra'l machismu y tola violencia machista.

De xuru que me dexo dalgo porque ye un non parar tolos díis.

Esperamos que cada vez seyamos más glayando Acabemos cola violencia machista.

Tolos materiales los podéis encontrar nesti enllace y en el blog:
http://muyeresenlluchacsi.blogspot.com.es/2014/10/materiales-pa-la-campana-acabemos-cola.html

Más semeyes:










lunes, 30 de marzo de 2015

Concentración de rechazo a la violencia machista

Concentración, martes 31 de marzu a las 20 h. 
en la Plaza del Humedal - Xixón
en la Plaza la Escandalera - Uviéu


viernes, 27 de marzo de 2015

Toes y toos el sábadu 28 de marzu a les 12 h. n'Uviéu

MANIFESTACIÓN ESCONTRA LES REDAES RACISTES - Salida Estación de Renfe

Non más redaes racistes. Non más deportaciones. Ls nuestrs vecins nun sobren. Nativa o estranxera la mesma clase obrera. Construyamos una sociedá ensin discriminaciones.


Manifestación 10 d'abril a les 19:30 h., salida Estación de Renfe - Uviéu

Si dexamos sola a cualesquier persona que ye represalida por lluchar y permitimos que vaya pa la cárcel, ¿quién va quedar pa lluchar polos drechos de toes y de toos?

El vienres 10 d'abril taremos na manifestación Absolución pa los 5 de Zarréu, porque si mos toquen a una mos toquen a toes.


Xornada Muyeres y conflictos llaborales

El pasáu 7 de marzu realizamos una xornada títula Muyeres y conflictos llaborales. Con ella queríemos poner nuestru granu d'arena pa romper colos mitos qu'hai sobre la participación de les muyeres nes lluches, llaborales nesti casu pero serviríamos pa toes. Y cuntar la realidá de lo que ye'l díi ente díi de les muyeres que nun se rinden, que nun se resignen, que nun venden a la compañera nin al compañeru, y que lluchen. Porqu'anque la mayoría de les veces nun se ven, nun salen tanto nos medios de comunicación o nun se les oye tanto nes asamblees, ehí tan y son un exemplu pa toes y pa toos. Anque sobre tou pa toes ya que les muyeres tamos más faltes de referencies dempués de tantos sieglos d'invisibilización.

Esti ye un pequeñu avance del resumen. En breve diremos subiendo les cosines, para que mos sirva pa toes y toos pa reflexionar y siguir avanzando.



domingo, 15 de marzo de 2015

Cartel en blanco y negro Ante la violencia machista, autodefensa

Ayudamos a difundir la campaña Acabemos col machismu. Imprime'l panfletu y repartelu pela cai, pel trabayu, na escuela,....

El tamañu ye de cuartilla. Ta maquetao pa que d'un folio salgan dos. Nunu de los documentos ta la parte d'allantre, la portada, y nel otru'l testu.

Ye trabayu de toes y toos contruyir la sociedá que queremos, llibre de desigualdaes y de violencia.

Pa descargar el panfletu:

Portada: https://drive.google.com/file/d/0B95HdIsJ1hluZ1BLTW1QcXctMVk/view?usp=sharing

Testu: https://drive.google.com/file/d/0B95HdIsJ1hluTTVrNXY1SXo5c3M/view?usp=sharing

Tamién vos dexo otra vez el cartelu: