domingo, 5 de julio de 2015

Performance, ¿Seguru que ye amor? ¿Seguru que ye igualdá?

El pasáu 28 de xunu DÍA INTERNACIONAL DEL ORGULLU LGTBI extrenamos, nel Orgullín del Norte de Xixón, la performance ¿Seguro que ye amor?¿Seguro que ye igualdá? que preparemos xunto colxs compañerxs de Tríbadas y XEGA.
Con ella queriemos visibilizar y abrir el debate sobre un tema que nun suel gustar pero que ye perimportante de tratar pa poder lluchar escontre d'ello. Ye'l machismu y la Violencia machista, y como transciende les rellaciones heteronormatives y d'identidá de xéneru.
Munches gracies a tola xente pol acoximientu, foi mui emotivu pa toxs. Esperamos qu'esti seya un pasín más nel camín p'acabar cola violencia machista ellí onde té.


martes, 16 de junio de 2015

Un 2015 cargáu de movilizaciones contra la violencia machista

La verdá que dende que entamamos cola campaña Acabemos cola violencia machista n'ochobre del 2014, nun paramos. Dende Muyeres en llucha munches gracies a tola xente que lllucháis díi ente díi pa camudar esta sociedá y construyir un mundu meyor pa toles persones.

Facemos un pequeñu repasu y dalgo de memoria y asina animámonos:

-Carteles "El machismu mata. Autodefenta muyer" - colocáronse, y siguimos colocando, por toa Asturies cola ayuda de compañeres y compañeros de la CSI y d'otros coleutivos que formen parte d'Asturies en Pie . Porque poques fueron les veces que nun se saliera a pegar un cartelu y nun se llevase tamién el de la violencia machista.
-Pegadielles: "Acabemos cola violencia machista", "Ante la violencia machista, autodefensa".
-Pancartes:
      En puentes: contra la violencia machista y en solidaridá
con Noela Cotelo, que sufre violencia machista d'estao, maltratada na cárcel.
      En manifestaciones: sabemos que hai mucha
clase de violencia contra les muyeres anque alguna seya invisible por eso a les pancartes de la violencia machista, añadimos una contra'l machismu y la represión cola que mos podéis encontrar en tolos llaos: solidaries cola xente represaliao, coles muyeres discriminaes llaboralmente,....
     En valles: arrancabemos dempués de les campanes cellébrando'l fin del 2014 y l'entamu del 2015 como sabemos...reivindicando. Asina que pusimos una pancarta contra la violencia machista nuna valla de Xixón, nuna zona de munchu transitu, intentando facer visible y sensibilizar a la xente que pasara de folixa perellí. Cóstonos 1 hora na comisaria a dos compañera y un compañeru y 600 € de multa que por más que recurrimos siguen desixiendonos.
-Charra 7 de marzu: Muyeres y conflictos llaborales... porque creyemos que'l robanos la memoria y querer silencianos y que nun tengamos referencies tamién ye violencia.
-Concentración antirrepresiva: consecuencia de lo anterior y por si nun s'hubieren enterao bien que ponía na pancarta pola que mos multaron, el 5 xineru plantámonos como Asturies en pie dellantre la comisaria municipal de Xixón, qu'acabó siendo un pequeñu pasucais hasta Begoña.
-Chapes: incluyimos a los materiales d'Asturies en pie chapes feministes col llema "Asturies llibre de machismu".

-CONCENTRACIONES Y AICIONES URXENTES CADA VEZ QU'HAI UN ASESINATU MACHISTA

Dende xineru salimos a la cai siempre qu'hai un asesinatu machista, armaes de
pancartes y panfletos. Entamamos en Xixón, llueu uníose xente de la Pola Sieru y Mieres. Pocu a pocu vamos sumando voces que glayen contra esta llacra social. Na primer concentración na Plaza del Humedal vieno la policía nacional y preguntónos por qué tábemos ellí, cuando diximos que yera porque mataren a una muyer la so respuesta foi..."Ah, namá por eso...".

-Comunicaos:
Fueron munches les llinies qu'escribimos, a los medios de comunicación, tanto convencionales como alternativos, a otros sindicatos alternativos, a colectivos, y partidos de la izquierda, asociaciones, persones,...puf, que sé yo....a tola xente que se mos ocurrió. Pa que se xuntaren a la campaña y dende'l so ámbitu propiu y como pudieren entamaren a denunciar y lluchar tolos díis contra'l machismu y tola violencia machista.

De xuru que me dexo dalgo porque ye un non parar tolos díis.

Esperamos que cada vez seyamos más glayando Acabemos cola violencia machista.

Tolos materiales los podéis encontrar nesti enllace y en el blog:
http://muyeresenlluchacsi.blogspot.com.es/2014/10/materiales-pa-la-campana-acabemos-cola.html

Más semeyes:










lunes, 30 de marzo de 2015

Concentración de rechazo a la violencia machista

Concentración, martes 31 de marzu a las 20 h. 
en la Plaza del Humedal - Xixón
en la Plaza la Escandalera - Uviéu


viernes, 27 de marzo de 2015

Toes y toos el sábadu 28 de marzu a les 12 h. n'Uviéu

MANIFESTACIÓN ESCONTRA LES REDAES RACISTES - Salida Estación de Renfe

Non más redaes racistes. Non más deportaciones. Ls nuestrs vecins nun sobren. Nativa o estranxera la mesma clase obrera. Construyamos una sociedá ensin discriminaciones.


Manifestación 10 d'abril a les 19:30 h., salida Estación de Renfe - Uviéu

Si dexamos sola a cualesquier persona que ye represalida por lluchar y permitimos que vaya pa la cárcel, ¿quién va quedar pa lluchar polos drechos de toes y de toos?

El vienres 10 d'abril taremos na manifestación Absolución pa los 5 de Zarréu, porque si mos toquen a una mos toquen a toes.