Fáltennos acciones, comunicaos, etc del 2016
nunos díis lu tendremos actualizáu
domingo, 6 de noviembre de 2016
Mapa d'Asturies escontra la violencia machista
Ayúdanos a completar el mapa:
Si sabes de dalgún coleutivu en dalguna llocalidá que nun té nel mapa, o dalguna información que té incorrecta pués ponete en contautu con nós por mensaxe priváu o nel email: muyeresenlluchacsi@gmail.com
Esperamos que cada día seyamos más nes cais glayando escontra la violencia machista.
*Tamién necesitamos un mapa n'asturianu con meyor calidá.
Acciones n'Asturies contra la violencia machista:
Cada vez qu'hai un asesinatu machista (entre o non dientro de la llei de violencia de xéneru pues creyemos qu'esta llei dexa fuera a munches víctimes d'esta violencia ya que sólo contabiliza les asesinaes pola pareya o expareya. Fuera queden: fíes y fíos, otrxs familiares, pareyes actuales, amistaes, muyeres prostituíes, asesinaes pela cai por desconocíos, un llargu etc):
A les 19 h:
-Ribeseya: Ayuntamientu
-Avilés: El Parche, Plaza del Ayuntamientu
A les 20 h:
-Xixón: Plaza del Humedal
-La Pola (Siero): Ayuntamientu
-Mieres: Cai Manuel Llaneza (altura del Llicéu)
-Uviéu: Plaza la Escandalera
Aiciones organizaes por Muyeres en llucha
Una vez al mes:
-Uviéu: Primer miércoles de cada mes a les 19 h: Plaza la Escandalera (organiza Plataforma feminista d'Asturies).
-Llanes: Primer xueves de cada mes 19 h: El Puente (organiza: persones independientes de Llanes)
Otres:
-Castrillón y Llangréu: creyemos que nestes dos llocalidaes tamién salen cada vez qu'hai un asesinatu machista pero nun lo tenemos confirmao.
miércoles, 6 de julio de 2016
CSI Feminismu
Área Feminismu
Na Corriente Sindical d’Izquierda
sabemos que ye perimportante xunir toles lluches, porque toes formen parte d'un
mismu sistema opresor, el patriarcal capitalista. Poro nun pue faltar un Área
de Feminismu qu'evidencie la necesidá d'una conciencia de xéneru, diversidaes
ya identidaes nun normatives, unida a la nuesa conciencia de clase.
El pelear polos drechos de les
muyeres, y pola igualdá real de toles persones, nel ámbito llaboral y en tolos
ámbitos de la vida, fae pernecesaria un área que centre la so actividá nestos
obxetivos. Pa ello creyemos que la meyor ferramienta ye tener un espaciu
d'alcuentru y alderique ente les muyeres de la CSI, nel que podamos compartir
esperiencies, esmoliciones y retos. Un espaciu onde xuntanos y dende'l que
facer y construyir les polítiques feministes de la nuesa organización,
conciencienciando col trabayu a otres compañeres y a los compañeros, y faciendo
que día ente día esta xera seya una parte más de toles estayes del sindicatu.
Mundu llaboral, desemplegu,
educación, sanidá, servicios sociales, drechu a decidir sobre nuestres vides y
nuestros cuerpos, …La llucha feminista ye una llucha que tien que ver con tolos
aspeutos de la vida de les persones, y ye dende toos ellos que debemos trabayar.
Sabemos que l’acabar col
machismu y con toles sos violencies nun tuvo ente les prioridaes nin de la
izquierda en xeneral nin del sindicatu en particular. Güei vamos superando
tolos prexuicios qu’esti sistema mos impón, rompiendo colos estereotipos y
faciendo de toles lluches una sola. Por supuestu en comuña con otres
organizaciones y movimientos sociales que tienen como oxetivu la igualdá de toles
persones y la construcción d’una sociedá xusta.
Gracies la llucha feminista
les muyeres tenemos güei los drechos que tenemos como muyeres. Nin naide nos
regaló nada, nin los drechos cayeron del cielu, fueron y siguen siendo peleaos.
Les muyeres sindicalistes y
feministes siguimos avanzando na llucha polos drechos de la clas obrera en
xeneral y los drechos de les muyeres en particular. Prestaríanos que los cambios
fueren más rápidos y que la nuesa llucha fuere más aceptada pero somos
conscientes de la sociedá na que vivimos. Poro tenemos que siguir lluchando na
cai y tamién dientro'l sindicatu, pa facer qu’ésti seya un auténticu motor de
cambiu social.
Ya nun mos queda paciencia, ya
nun podemos dir seliquino, son demasiaos sieglos de desigualdaes, demasiáu tiempu
esperando que los nuesos derechos se reconozan, que les nueces voces nun se
silenciencien.
Queremos que la CSI nun tenga
miéu a dicir que ye un sindicatu de clas, combativu, asturianu y feminista.
Nesti sen sabemos que vamos dexando atrás divisiones. Que cada día somos más
persones les que entendemos que somos clas obrera, que tamos oprimíes y que la
nuesa llucha escontra les inxusticies tien que ser global, ensin xerarquíes nin
esclusiones. Y por supuestu tolos díes del añu y siempre en comuña, dientro y
fuera les empreses, lluchando dende la base y la xenerosidá, avanzando nuna
unidá obrera, popular y feminista, cola solidaridá como bandera.
Responsable del área: Mónica
Jiménez
Contautu:
muyeresenlluchacsi@gmail.com
Coleutivu
Muyeres en llucha CSI
Colectivu que nació en el 2013
tomando el relevo de les compañeres qu’antes que nosotres habíen trayío la llucha
feminista al sindicatu. Les muyeres que lu formamos somos una mezcla
heteroxénea por edaes, emplegos en diferentes sectores, o ensin emplegu, esperiencia
política,…El nuestru trabayu ye muy diversu, dende recuperación de la Memoria
hestórica feminista, hasta talleres de llinguaxe inclusivu o diversidaes, pasando
per charres, acciones de cai,… Centrándose dende va un par d’años na llucha escontra
les violencies machistes, denunciando y visibilizando na cai (con concentraciones
cada vez qu’hai un asesinatu machista) y, apoyando y acompañando a muyeres
víctimes d’estes violencies.
El trabayu continuáu na cai
fizo qu’otres muyeres que nun tan nel sindicatu alcontraren nesti colectivu
un espaciu onde poder compartir y trabayar. Asina entre unes y otres apoyámonos
y vamos caminando.
domingo, 3 de julio de 2016
PASUCAIS NEGRU CONTRA LA VIOLENCIA MACHISTA
Quien pueda qu'acuda con ropa negro.
Tamos en xunetu y esti añu ya son más de 60 les víctimes mortales de la violencia machista nel estáu español. Que sepamos, de xuru que son más. A éstes hai que suma-yos les hospitalizaes mui graves y toles demás muyeres maltrataes, prostituides, acosaes, discriniaes,...
Tamién queremos facer mención equí de les muyeres mayores y pequeñes refuxaes que día tres día a la vulneración de los sos drechos como seres humanos xuntase-yos la violencia contra elles pol fechu de ser muyeres, acosos, violaciones, palices,...
La violencia machista llueñe de sumir ta amontándose y como nun faigamos nada, como miremos pa otru llau munches vamos perder la vida nesta guerra declarada contra les muyeres.
Porque son munches les violencies machistes y hai que pone-yos frenu.
Por esto y por munches razones más queremos aprovechar la Selmana Negra y el gran arribación qu'ésta tien pa visualizar esta lacra social y glayar:
ACABEMOS COL MACHISMU Y TOLA SO VIOLENCIA
NUN DEBEMOS MIRAR PA OTRU LLAU
HAI MUNCHES VIDES EN XUEGU.
Ayudar a espublizar esti eventu y participa, toes y toos somos necesaries p'acabar col machismu.
jueves, 30 de junio de 2016
TALLER LLINGUAXE INCLUSIVU
Taller de baldre.
A veces nun utilizamos el llinguaxe de forma correuta pa dirixinos por igual a muyeres y a homes. Esto denomínase llinguaxe sexista. Lo que nun se noma nun existe y les muyeres llevamos tapaes demasiao tiempu ya. Con esti taller queremos poner el nuesu granin d'arena escontra la misoginía y demás discrininaciones nel llinguaxe, concienciar y dotanos de les ferramientes necesaries pa terminar col machismu. Creyemos que'l llinguaxe ye la base del pensamientu y por eso ye fundamental camudalu.
De xuru qu'ente toes y toos deprendemos muncho.
Vos esperamos.
lunes, 20 de junio de 2016
CONCENTRACIÓN ESCONTRA LA DISCRIMINACIÓN LLABORAL DE LES MUYERES
ORGANICEN: MUYERES AVILÉS (ASTURIES)
XUEVES 23 DE XUNU. 18:30 h. EL PARCHE (PLAZA’L CONCEYU) D’AVILÉS. ASTURIES
¡A LA FOGUERA COL PATRIARCÁU!
(Adaptación parcial del prólogu de Rosa Regàs, del llibru Rebeldes Perifériques del Sieglo XIX)
Somos rebeldes, somos perifériques, somos MUYERES
El dominiu que la sociedá exerce sobre la mente y el cuerpu de les muyeres al traviés de la historia nun se conforma con sometenos con conceptos como: el deber, el remordimientu o les creencies y obligaciones de la falsa moral. El puñu y lletra del poder tresmitiónos una historia que ta vacía d´actividaes, sublevaciones y tomes de conciencia exercíes poles muyeres al traviés de los sieglos.
Y el poder qu’escribió la Hestoria, incluso de los movimientos feministes y de les reivindicaciones de les muyeres que se trataron, cuando se fixo, ensin dai-yos nenguna importancia, como si se mencionaren delles aventurines, feches por seres humanos de segunda clase. Esta ye la primer discriminación: la de ser muyer.
Asina, les muyeres que punxeron el so coraxe y la so vida al serviciu del ameyoramientu de la situación de les sos conxéneres acaben olvidaes y ocultaes, quiciabes pa que na conciencia de la sociedá nun apaeza más quel modelu de moza, esposa y madre quel poder quixo configurar. Pero somos infinitamente diverses y toes merecemos que se respeten los nuestros derechos, seyamos quien seyamos, vivamos onde vivamos y faigamos lo que faigamos.
Ye necesario que nosotres mesmes tomemos les armes que creamos convenientes pa lluchar contra esi olvidu y reconocer el trabayu que fixeron munches muyeres nunes condiciones sociales terribles.
Pensemos, per un momentu cuántes hestories, revoluciones, llogros, movimientos llideraos por muyeres conocemos y ubicamos na Hestoria: na hestoria clásica, les herexes na Caza de Bruxes de la Inquisición, les desheredaes, na Comuna de París, la Escuela dEducación Llibre de Ferrer i Guardia, les lluches nes fábriques, les Lligues Pacifistes y Antimilitaristes, les Instituciones de Llibre enseñanza y Ateneos obreros, los sistemes de sofitu mutuu, los movimientos llibertarios, masónicos, les Fuelgues de Vientres y control de la natalidá, salú sexual y mental de les muyeres de los baxos fondos, de les probes, de les madres solteres, de les prostitutes, de les preses, de les refuxaes... a la fin, muyeres de les periferies. L’apropiación d’espacios públicos, estudios, profesiones, de la cultura y costumes reservaos primeramente y n’esclusiva pa los homes. Foron y son les nuestres antepasaes y coetánees les que llucharon y lluchamos por alzar la nuestra voz, por despeinar el silenciu.
Igual qu’ardemos nosotres coles inxusticies de les que somos testigos y que sufrimos, mandamos a la foguera al Patriarcáu que tolo quier invadir, controlar y contaminar, que nos quier calladines, obedientes, ensin capacidá pa decidir sobre les nuestres vides y cuerpos.
Sufrimos violencies psicolóxiques, sexuales, físiques y abusos en tolos ámbitos: na casa, na cai, na nueche, nel trabayu, ataques contra los nuestros cuerpos y mentes, siempres col envís de facenos sentir inferiores, que nun somos lo suficientemente bones, que nun damos la talla, que nun somos capaces, qu’o somos santes o somos putes Quieren enmarcanos con etiquetes mutiladores.
Por too ello, ser MUYER ye sinónimu de REBELDÍA, porque con toles torgues que siempres nos punxeron, deprendimos a movenos y a baillar peles caleyes, munches vegaes intransitaes y escures de los márxenes, de la periferia.
XUEVES 23 DE XUNU. 18:30 h. EL PARCHE (PLAZA’L CONCEYU) D’AVILÉS. ASTURIES
¡A LA FOGUERA COL PATRIARCÁU!
(Adaptación parcial del prólogu de Rosa Regàs, del llibru Rebeldes Perifériques del Sieglo XIX)
Somos rebeldes, somos perifériques, somos MUYERES
El dominiu que la sociedá exerce sobre la mente y el cuerpu de les muyeres al traviés de la historia nun se conforma con sometenos con conceptos como: el deber, el remordimientu o les creencies y obligaciones de la falsa moral. El puñu y lletra del poder tresmitiónos una historia que ta vacía d´actividaes, sublevaciones y tomes de conciencia exercíes poles muyeres al traviés de los sieglos.
Y el poder qu’escribió la Hestoria, incluso de los movimientos feministes y de les reivindicaciones de les muyeres que se trataron, cuando se fixo, ensin dai-yos nenguna importancia, como si se mencionaren delles aventurines, feches por seres humanos de segunda clase. Esta ye la primer discriminación: la de ser muyer.
Asina, les muyeres que punxeron el so coraxe y la so vida al serviciu del ameyoramientu de la situación de les sos conxéneres acaben olvidaes y ocultaes, quiciabes pa que na conciencia de la sociedá nun apaeza más quel modelu de moza, esposa y madre quel poder quixo configurar. Pero somos infinitamente diverses y toes merecemos que se respeten los nuestros derechos, seyamos quien seyamos, vivamos onde vivamos y faigamos lo que faigamos.
Ye necesario que nosotres mesmes tomemos les armes que creamos convenientes pa lluchar contra esi olvidu y reconocer el trabayu que fixeron munches muyeres nunes condiciones sociales terribles.
Pensemos, per un momentu cuántes hestories, revoluciones, llogros, movimientos llideraos por muyeres conocemos y ubicamos na Hestoria: na hestoria clásica, les herexes na Caza de Bruxes de la Inquisición, les desheredaes, na Comuna de París, la Escuela dEducación Llibre de Ferrer i Guardia, les lluches nes fábriques, les Lligues Pacifistes y Antimilitaristes, les Instituciones de Llibre enseñanza y Ateneos obreros, los sistemes de sofitu mutuu, los movimientos llibertarios, masónicos, les Fuelgues de Vientres y control de la natalidá, salú sexual y mental de les muyeres de los baxos fondos, de les probes, de les madres solteres, de les prostitutes, de les preses, de les refuxaes... a la fin, muyeres de les periferies. L’apropiación d’espacios públicos, estudios, profesiones, de la cultura y costumes reservaos primeramente y n’esclusiva pa los homes. Foron y son les nuestres antepasaes y coetánees les que llucharon y lluchamos por alzar la nuestra voz, por despeinar el silenciu.
Igual qu’ardemos nosotres coles inxusticies de les que somos testigos y que sufrimos, mandamos a la foguera al Patriarcáu que tolo quier invadir, controlar y contaminar, que nos quier calladines, obedientes, ensin capacidá pa decidir sobre les nuestres vides y cuerpos.
Sufrimos violencies psicolóxiques, sexuales, físiques y abusos en tolos ámbitos: na casa, na cai, na nueche, nel trabayu, ataques contra los nuestros cuerpos y mentes, siempres col envís de facenos sentir inferiores, que nun somos lo suficientemente bones, que nun damos la talla, que nun somos capaces, qu’o somos santes o somos putes Quieren enmarcanos con etiquetes mutiladores.
Por too ello, ser MUYER ye sinónimu de REBELDÍA, porque con toles torgues que siempres nos punxeron, deprendimos a movenos y a baillar peles caleyes, munches vegaes intransitaes y escures de los márxenes, de la periferia.
Marcapáxines con mensaxes contra la violencia machista
Compartimos una iniciativa mui prestosa...
"Y sí, puede que no sirva de nada. Puede que, como siempre, solo se interesen por esto aquellos que ya están concienciados. Pero no perdemos nada. Y, ¿quién sabe? Quiero pensar que entre todos, de oca a oca, quizás el mensaje llegue a alguien que necesite abrir los ojos, y que le ayude a hacerlo. Con eso, con una sola persona, habrá merecido inmensamente la pena.
Si alguien quiere colaborar, aquí tenéis los enlaces para las imágenes (que tampoco son nada del otro mundo): Versión con el hashtag https://t.co/8HW2fU0uWg y versión en HQ (sin el hashtag) https://t.co/SGlQS2M7oC"
"Y sí, puede que no sirva de nada. Puede que, como siempre, solo se interesen por esto aquellos que ya están concienciados. Pero no perdemos nada. Y, ¿quién sabe? Quiero pensar que entre todos, de oca a oca, quizás el mensaje llegue a alguien que necesite abrir los ojos, y que le ayude a hacerlo. Con eso, con una sola persona, habrá merecido inmensamente la pena.
Si alguien quiere colaborar, aquí tenéis los enlaces para las imágenes (que tampoco son nada del otro mundo): Versión con el hashtag https://t.co/8HW2fU0uWg y versión en HQ (sin el hashtag) https://t.co/SGlQS2M7oC"
Suscribirse a:
Entradas (Atom)