Comunicáu de Muyeres en llucha de la CSI:
Dende Muyeres en llucha de
la CSI facemos un llamamientu a tola izquierda: partidos políticos, sindicatos,
colectivos sociales, asociaciones, persones,.... Esti llamamientu consiste en
volver a facer visible’l cáncanu social que ye la Violencia hacia la muyer y
pelear escontra elli.
Tamos asistiendo a una normalización, a través de los medios de
comunicación convencionales y de les nueves tecnoloxíes, de la Violencia contra
la muyer: agresiones, violaciones, asesinatos. Nel Estáu español, sólo esti añu
fueron asesinaes, hasta agora, más de 50 muyeres a manos de les sos pareyes y expareyes,
y miles de muyeres y neñes son cada díi maltrataes, agredíes, violaes,
prostituíes, mutilaes, a lo que podemos añadir la violencia d’estáu. Ensin embargu
ca díi se ven menos, a veces nada, movilizaciones nin llamamientos públicos de
rechazu. Pocu ente pocu foi faciéndose dalgo normal y pasando a la trastienda
de les prioridaes polítiques o sociales. Sin embargu debería ser una de les
primeres, porque nun falamos de quedar nel paru, ensin drechu a educación, o
sanidá, o inclusu ensin casa. NON. Equí tamos falando de quedar ensin vida. De
que t’asesisen pocu a pocu o rápidamente, da igual. Ye quitar la dignidá d’una
persona, arrebata-y too. ¿Porque? Por ser muyer.
La violencia contra la muyer ye una violación de los derechos humanos,
basada na persistencia de les desigualdaes por razón de xéneru. Acabemos coles desigualdaes, lluchemos
escontra la violencia machista.
Por eso dende Muyeres en llucha de la CSI queremos facer esti
llamamientu, y que tolos díis seyan 25
de payares, Díi Internacional contra
la violencia hacia la muyer. Dende equí llamamos a nun mirar pa otru lláu,
a volver a poner nel calendariu políticu
la Violencia contra la muyer como unu de los temes principales. Llamamos a
salir a la cai a visibilizar y denunciar lo que ta ocurriendo. Llamamos a facer
concentraciones, pegada cartelos, charres, denuncia de les instituciones,…tolo
que seya necesario. Nun podemos falar d’una sociedá más xusta ya igualitaria
ensin terminar col patriarcáu y cola violencia machista. Ehí onde té. Nun
podemos construyir un mundu meyor, ensin teminar cola violencia contra la
muyer.
Dende equí tamién tol nuesu apoyu a los homes que sofren violencia de
les sos pareyes. Sabemos que ye mui duru, y que ye mui difícil denunciar ya
intentar salir d’esta situación nuna sociedá con tantos prexuicios. Nuna
sociedá que culpabiliza a la víctima y disculpa al agresor/a.
La violencia nun ye amor, nin se pue disculpar porque se tenga un mal
díi, por tar nel paru, por tar mal de la cabeza. NUN HAI ESCUSES. Nun te dexes pegar. Nun te dexes pisotear. Nun te
dexes humillar. Naide ye más que naide. DEFIENDETE.
Como puedas pero DEFIENDETE.
¡Ante la violencia machista, autodefensa!
¡Basta de violencia, basta d’agresiones, basta d’asesinatos!
¡Si nos toquen a una, toquenmos a toes!
No hay comentarios:
Publicar un comentario